മുറ്റത്തൊരു ഹിന്ദിമരം

ഹിന്ദിദിനത്തില്‍(14.9.2018)കുട്ടികള്‍ സ്ക്കൂള്‍ മുറ്റത്തെ മരത്തെ ഇങ്ങനെയായിരുന്നു അണിയിച്ചൊരുക്കിയത്.മരം നിമിഷങ്ങള്‍ക്കകം ഹിന്ദിമരമായി മാറി.അധ്യാപകര്‍ക്ക് കുട്ടികള്‍ സ്വന്തമായുണ്ടാക്കിയ ആശംസാകാര്‍ഡുകളും കൈമാറി.
ഏഴാം ക്ലാസുകാരായിരുന്നു പ്രവര്‍ത്തനങ്ങള്‍ക്ക് നേതൃത്വം കൊടുത്തത്.

 

ഹലോ ഇംഗ്ലീഷിലെ കലാപഠനം

ആറാം ക്ലാസിലെ ഇഗ്ലാീഷ് പാഠഭാഗത്ത് സിന്‍ഡ്രല്ലയുടെ മനോഹരമായ ഒരു കഥയുണ്ട്.കഥ പഠിക്കുന്നതിനിടയില്‍ കുട്ടികള്‍ സിന്‍ഡ്രല്ലയ്ക്ക് ഉടുപ്പും ആഭരണങ്ങളും ഉണ്ടാക്കി.ഭാഷാപഠനത്തെ കലാപ്രവര്‍ത്തനവുമായി എങ്ങനെ വിളക്കിച്ചേര്‍ക്കാം എന്നതിന് മികച്ച മാതൃകയായിരുന്നു സുമിത ടീച്ചറുടെ ക്ലാസിലെ ഈ പ്രവര്‍ത്തനം.

 

ക്ലാസ്സിലൊരു പാചകം

അഞ്ചാം ക്ലാസുകാര്‍ ക്ലാസില്‍ സാലഡ് ഉണ്ടാക്കി.പ്രവൃത്തി പരിചയ ക്ലാസിലാണ് ടീച്ചറും കുട്ടികളും ചേര്‍ന്ന് സാലഡ് ഉണ്ടാക്കിയത്.എങ്ങനെ  ഉണ്ടാക്കി എന്നതും അവര്‍ നോട്ടുപുസ്തകത്തില്‍ എഴുതി. ഇന്ന്  ഉച്ചഭക്ഷണത്തിന് അഞ്ചാം ക്ലാസുകാര്‍ക്ക് ഒരു വിഭവം കൂടി.തങ്ങളുണ്ടാക്കിയ സാലഡ് അവര്‍ സ്വാദോടെ കഴിച്ചു.