കുട്ടികളുടെ വിവിധ തരത്തിലുള്ള കഴിവുകള് വളര്ത്താനായിരിക്കണം സ്ക്കൂള് പാര്ലമെന്റ് ഇലക്ഷന്
സ്ക്കൂള് പാര്ലമെന്റ് ഇലക്ഷന്റെ ഭാഗമായി ഇന്ന് സോഷ്യല് ക്ലബ്ബിന്റെ നേതൃത്വത്തില് Meet the Candidate പരിപാടി നടന്നു.സ്ക്കൂള് ലീഡര് സ്ഥാനാര്ത്ഥികള്ക്ക് വോട്ടര്മാരോട് സംവദിക്കാനുള്ള അവസരമായിരുന്നു അത്.'എന്നെ വിജയിപ്പിക്കുകയാണെങ്കില് ഞാന് സ്ക്കൂളിനുവേണ്ടി എന്തൊക്കെ ചെയ്യും' എന്ന് സ്ഥാനാര്ത്ഥികളായ ദേവിക,നന്ദന,അഭിറാം എന്നിവര് വിശദീകരിച്ചു.തുടര്ന്ന് വോട്ടര്മാര് സ്ഥാനാര്ത്ഥികളോട് ചോദ്യങ്ങള് ചോദിച്ചു.സോഷ്യല് ക്ലബ്ബ് കണ്വീനര് നവനീത് സ്ഥാനാര്ത്ഥികളെ പരിചയപ്പെടുത്തി.കുട്ടികള്ക്ക് പൊതുവേദിയില് സംസാരിക്കാനുള്ള ആത്മവിശ്വാസം വളര്ത്താന് ഈ പരിപാടി ഏറെ പ്രയോജനപ്പെട്ടു.