നാട്ടില്‍ വായനശാല എന്ന ആവശ്യവുമായി കുറ്റൂര്‍ സ്ക്കൂളിലെ കുട്ടികള്‍ കുറ്റൂര്‍-എരമം പഞ്ചായത്ത് പ്രസിഡണ്ടിന് നിവേദനം നല്‍കി.
വായന പക്ഷാരചരണത്തിന്റെ ഭാഗമായി, ഏഴാം ക്ലാസിലെ കുട്ടികള്‍ കുറ്റൂര്‍ സാംസ്ക്കാരിക നിലയത്തില്‍ പ്രവര്‍ത്തിക്കുന്ന വായനശാല സന്ദര്‍ശിച്ചപ്പോള്‍ അതിന്റെ ശോചനിയവസ്ഥ കുട്ടികള്‍ നേരിട്ട് മനസ്സിലാക്കുകയുണ്ടായി.ആവശ്യത്തിന്‍ പുസ്കകങ്ങളോ വായനക്കാരോ ഇല്ലാത്ത പ്രസ്തുത ലൈബ്രറി നവീകരിക്കേണ്ടതാണെന്ന ആവശ്യത്തിലേക്ക് കുട്ടികള്‍ അങ്ങനെയാണ് എത്തിച്ചേരുന്നത്.മികച്ച് വായനക്കാരുള്ള സ്ക്കൂളിലെ കുട്ടികള്‍ക്ക് ആശ്രയിക്കാന്‍ ഈ പ്രദേശത്ത് മറ്റു ലൈബ്രറികളില്ല.പഠനം സാമൂഹ്യഇടപെടലായി മാറുന്നതിന്റെ മികച്ച ഉദാഹരണമാണ് കുട്ടികളുടെ ഇടപെടല്‍.
കുട്ടികളുടെ ആവശ്യം അനുഭാവപൂര്‍വ്വം പരിഗണിക്കാമെന്ന് പഞ്ചായത്ത് പ്രസിഡണ്ട് ശ്രീമതി.സത്യാഭാമ ഉറപ്പു നല്‍കി.
